Суди шаҳри Панҷакент 
Ҷавобгарии ронандае, ки ба талаботи қонунии корманди милитсия итоат накард
Ҷавобгарии ронандае, ки ба талаботи қонунии корманди милитсия итоат накард
Ҳуқуқвайронкунанда Ш.А. санаи санаи 01.10.2024 сол соати 19:22 дақиқа воситаи нақлиёти тамғаи «Опел — Астра» рақами қайди давлатиаш 1363 NM 02 дар роҳи автомобилгарди ш.Панҷакент банди 3.11 Қоидаи ҳаракат дар роҳҳои Ҷумҳурии Тоҷикистонро риоя накарда, яъне барои аз тарафи ронандагон иҷро накардани талаботи қонунии корманди милитсия бобати боздоштан саркашӣ карда ҳаракаташро давом додааст, ки аз тарафи нозири ХДР ШБДА ШВКД Ҷумҳурии Тоҷикистон дар ш.Панҷакент боздошт гардида дар ин хусус нисбаташ протоколи маъмурӣ тартиб дода шудааст.
Бинобар ин суд кирдори содир намудаи ҳуқуқвайронкунанда Ш.А.-ро бо моддаи 329 қисми 1 КҲМ Ҷумҳурии Тоҷикистон, ки ҷавобгарии маъмуриро барои аз тарафи ронандагон иҷро накардани талаботи қонунии корманди милитсия бобати боздоштан воситаи нақлиёт банду баст менамояд ва гунаҳгории охиронро тасдиқшуда эътироф намуда, бо қарори Суди шаҳри Панҷакенти вилояти Суғд нисбати ҳуқуқвайронкунанда Ш.А. дар доираи раводиди моддаи 329 қисми 1 КҲМ Ҷумҳурии Тоҷикистон ҷазои ҷарима ба фоидаи давлат таъин карда шуд.