Худсарона насб намудани таҷҳизоти иловагии берунии равшанидиҳанда ба воситаи нақлиёт

Худсарона насб намудани таҷҳизоти иловагии берунии равшанидиҳанда ба воситаи нақлиёт

Ҳуқуқвайронкунанда З.Ш. санаи 26.08.2021 сол соати 09:30 дақиқа автомашинаи тамғаи «ВАЗ – 21013», рақами қайди давлатиаш 6418 DD 02-ро, ки ба хадамоти фаврӣ ё махсус тааллуқ надорад, таҷҳизоти иловагии берунии равшанидиҳанда насб карда, Қоидаи ҳаракат дар роҳро риоя накарда, ҳангоми ҳаракат аз тарафи нозири ХДР ШБДА ШВКД Ҷумҳурии Тоҷикистон дар ш.Панҷакент боздошт гардида дар ин хусус нисбаташ протоколи маъмурӣ тартиб дода шудааст.

Бинобар ин суд кирдори содир намудаи ҳуқуқвайронкунанда З.Ш.-ро бо моддаи 316 КҲМ Ҷумҳурии Тоҷикистон, ки ҷавобгарии маъмуриро барои риоя накардани қоидаҳои насб кардани таҷҳизоти иловагии берунии равшанидиҳанда ба воситаҳои нақлиёте, ки ба хадамоти фаврӣ ва махсус тааллуқ надоранд банду баст менамояд ва гунаҳгории охиронро тасдиқшуда эътироф намуда, бо қарори Суди шаҳри Панҷакенти вилояти Суғд нисбати ҳуқуқвайронкунанда З.Ш. дар доираи раводиди моддаи 316 КҲМ Ҷумҳурии Тоҷикистон ҷазои ҷарима ба фоидаи давлат таъин карда шуд.