Оқибати иҷро накардани масъулияти падару модар дар таълиму тарбияи фарзанд

Оқибати иҷро накардани масъулияти падару модар дар таълиму тарбияи фарзанд

Мувофиқи моддаи 8 сархати 10–уми Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» волидон уҳдадоранд аз соати 18.00 то соати 6.00 ба марказҳои пешниҳоди бозиҳои компютерӣ ё хизматрасонии интернетӣ рафтани фарзанди ноболиғи худро иҷозат надиҳанд.

Санаи 20.07.2020 сол соати 20-10 дақиқа аз тарафи нозири Шуъбаи огоҳонӣ, пешгирӣ ҳуқуқвайронкуни байни ноболиғон ва ҷавонони ШВКД Ҷумҳурии Тоҷикистон дар ш.Панҷакент Билолов А.Ш, муайян карда шудааст, ки ноболиғ М.Р. ба марказҳои пешниҳоди бозиҳои компютерӣ рафта ба бозиҳои компютерӣ машғул шудааст.

Аз ин хотир бинобар вайрон кардани талаботҳои Қонуни мазкур аз ҷониби сардори ШВКД ҶТ дар ш.Панҷакент нисбати модари ноболиғ Ҷ.М. бо моддаи 90 Кодекси ҳуқуқвайронкунии маъмурии Ҷумҳурии Тоҷикистон парвандаи ҳуқуқвайронкунии маъмурӣ оғоз карда шудааст.

Бинобар ин суд, кирдори содир намудаи ҳуқуқвайронкунанда С.Н.-ро бо моддаи 90 КҲМ Ҷумҳурии Тоҷикистон, ки ҷавобгарии маъмуриро барои аз тарафи падару модар ё дигар намояндагони қонунии ноболиғон, омӯзгор ё дигар корманди муассисаи таълимӣ ё тарбиявӣ иҷро накардани уҳдадориҳои парасторӣ, таълимӣ, ҳимояи ҳуқуқ ва манфиати ноболиғон банду баст менамояд ва гунаҳгории охиронро тасдиқшуда эътироф мекунад.

Бо қарори Суди шаҳри Панҷакенти вилояти Суғд нисбати ҳуқуқвайронкунанда Ҷ.М. дар доираи раводиди моддаи 90 КҲМ Ҷумҳурии Тоҷикистон ҷазо таъин карда шуд.