Риоя накардани Қоидаҳои ҳаракат дар роҳ боиси ҳабси маъмурӣ гардид.

Риоя накардани Қоидаҳои ҳаракат дар роҳ

боиси ҳабси маъмурӣ гардид.

Мувофиқи банди 12.”Б” Қоидаҳои ҳаракат дар роҳ ба ронанда идора намудани воситаи нақлиёт дар ҳолати мастӣ (мастӣ аз шароб, маводи нашъаовар ва монанди инҳо), таҳти таъсири доруҳое, ки таассур ва диққатро суст мекунад, дар ҳолати беморӣ ё хастагӣ, ки ба бехатарии ҳаракат таҳдид намояд манъ карда шудааст.

Дар сурати вайрон намудани талаботи мазкур тибқи модда 332 КҲМ Ҷумҳурии Тоҷикистон ҷавобгарии маъмуриро барои идора намудани воситахои нақлиёт  дар ҳолати мастӣ  муқаррар мекунад.

Ба ҳамаи ин нигоҳ накарда ҳастан нафароне, ки дидаву дониста дар ҳолати сархушӣ ба сари чамбараки автомашина нишаста онро идора мекунанд.

Санаи 14.09.2019 сол соати 22:00 дақиқа ҳуқуқвайронкунанда А.Р. дар ҳолати мастӣ автомашинаи тамғаи “Хафей” аломати қайди давлатиаш 3032 КМ 02 дар ҳудуди шаҳри Панҷакент идора намудааст.

Аз ин хотир бинобар вайрон кардани талаботҳои Қонуни мазкур аз ҷониби ШБДА ШВКД Ҷумҳурии Тоҷикистон дар шаҳри Панҷакент. бо моддаи 332 Кодекси ҳуқуқвайронкунии маъмурии Ҷумҳурии Тоҷикистон парвандаи ҳуқуқвайронкунии маъмурӣ оғоз карда шуда, барои баррасӣ ба суд ирсол карда шудааст.

Бинобар ин суд, кирдори содир намудаи ҳуқуқвайронкунанда А.Р.-ро бо моддаи 332 КҲМ Ҷумҳурии Тоҷикистон, ки ҷавобгарии маъмуриро барои барои идора намудани воситахои нақлиёт  дар ҳолати мастӣ муқаррар мекунанд банду баст менамояд ва гунаҳгории охиронро тасдиқшуда эътироф мекунад.

Бо қарори Суди шаҳри Панҷакенти вилояти Суғд нисбати ҳуқуқвайронкунанда А.Р. дар доираи раводиди моддаи 332 КҲМ Ҷумҳурии Тоҷикистон ҷазо дар намуди ҳабси маъмурӣ бо маҳрум кардан аз ҳуқуқи идораи воситаҳои нақлиёт таъин карда шуд.